20 mijë vizitorë i janë drejtuar përgjatë 2 javëve, vilës së ish-diktatorit Enver Hoxha, për të vizituar ekspozitën e veçantë ku prezantohet kodikë nga shek VI-IXX.

“Është ndoshta një ndër ekspozitat më të vizituara. Kanë qenë në këtë periudhë prej afro 2 javësh, zyrtarisht mbi 20 mijë vizitorë, të cilët e kanë vizituar ekspozitën. Ka momente të pikut, ku i gjithë ambienti është tërësisht plot dhe që fatmirësisht ndonëse ditët e para mund të vinin edhe për godinën, tani shohim që po vijnë për kodikët dhe për dorëshkrimet e rralla që gjenden në Arkivin Qendror Shtetëror”, shprehet Ardit Bido, Drejtor i Arkivës Qendrore Shqiptare.

Është folur nga të gjitha krahinat e nga shumë gjuhë të ndryshme në këtë ekspozitë, në këtë qasje kanë pasur ndaj dorëshkrimeve, vizitorët vendas e të huaj.

“Ajo çka është interesante është që thuajse të gjithë mahniten me të gjitha.

Dorëshkrimet si Kodiku i Beratiti janë të rralla, unikale, botërore, por edhe Kurani më i vjetër që kemi në Shqipëri apo dorëshkrime bektashie, kanë tërhequr kërshërinë në mënyrë të barabartë në këtë ansambël të pasurisë sonë dhe në këtë ansambël të besimeve fetare”, thotë Bido.